ئه‌زموونێن 12 ئاماده‌یى و سیسته‌مێ نوو یێ هه‌لبژارتنان

ئه‌زموونێن 12 ئاماده‌یى و سیسته‌مێ نوو یێ هه‌لبژارتنان
تەحسين ناڤشکی

پشتى پار و ئه‌ڤ ساله،‌ سیسته‌مێ نوو یێ هه‌لبژارتنان ب رێژه‌یى لسه‌ر قوتابخانه‌یێن هه‌رێمێ هاتییه‌ پراكتیزه‌كرن. واته‌ پار وه‌زاره‌تا په‌روه‌رده‌یا هه‌رێمێ، وه‌ك تێسته‌ك نوو، 40% پرسیارێن هه‌لبژارتنان بۆ رێزا 12 ئاماده‌یى هینان و ئه‌ڤ ساله‌ ب رێژه‌یا 50% بۆ هه‌مان پۆلێ په‌یره‌و كر. دهێته‌ چاڤه‌ڕێكرن، هه‌كه‌ ئه‌نجامێن ئه‌ڤ ساله‌ د ئاستێ پێدڤى دا بن، دبیت سالا بهێت هه‌كه‌ 100% نه‌هێنه‌ په‌یره‌و كرن ژى ب رێژه‌یه‌كا گه‌له‌ك باشتر ژ رێژه‌یا پار و ئه‌ڤ ساله‌ بهێته‌ پراكتیزه‌ كرن.
ژ بوو هه‌لسه‌نگاندنا راوبووچوونێن قوتابیێن مه‌ یێن خوه‌شتڤى و خه‌لكێ مه‌ یێ هێژا، سه‌باره‌ت پراكتیزه‌كرنا سیسته‌مێ هه‌لبژارتنان د ئه‌زموونێن رێزا 12 دا، ل سالا بهێت كو ببته‌ 100% سایتێ په‌روه‌رده‌یا دهۆك-رۆژئاڤا، ل ڤێ داویێ راوبۆچوونه‌ك (ئستبیانه‌ك) هه‌لبژارتنان كرییه‌ و تێدا 11185 كه‌سان ده‌نگ لسه‌ر دایه‌ و هژمارا 8660 ده‌نگان ئانكو ب رێژه‌یا 77%  ب گه‌له‌ك باش ده‌نگ لسه‌ر دایه‌ و 754 كه‌سان ب رێژه‌یا 7% ب باشى ده‌نگ لسه‌ر دایه‌ و 1771 ده‌نگان كو دبیته‌ رێژه‌یا 16% ب نه‌باشى ده‌نگ لسه‌ر دایه‌.
ئه‌نجامێن ڤێ راوبۆچوونێ ددیارن كو پرانییا ده‌نگده‌رێن به‌شدارى راپرسینێ بووین، ب ئه‌رێنى ده‌نگ لسه‌ر دایه‌. ئانكو ژ ڤى ئه‌نجامى دیار دبت كو ئه‌ڤ سیسته‌مه‌ پتر د خزمه‌تا قوتابیێ مه یێ خوه‌شتڤى ‌دایه‌ و دبت دگه‌ل ژیوارێ ئه‌ڤرۆ یێ كه‌رتێ په‌روه‌ردێ دگونجت. واته‌ ژ ڤێ رێژه‌یێ خۆیا دبت كو لایه‌نێن وێ یێن ئه‌رێنى ژ یێن نه‌رێنى باشترن. ژ به‌ر هندێ گه‌له‌كا گرنگه‌ كو ئه‌ڤرۆ پتر دووڤچوونا ڤێ مژارێ گرنگ و په‌یوه‌ندى ب پاشه‌ڕۆژا قوتابیێ مه‌یێ خوه‌شتڤیڤه‌ بهێته‌ كرن دا كو لایه‌نێن په‌یوه‌ندیدار ب هاریكارییا شاره‌زا و خودان سه‌ربۆران بگه‌هنه‌ وێ باوه‌ریێ كو ئه‌ڤ سه‌ربۆره‌ ژ سیسته‌مێ سه‌ربۆرێن وه‌لاتێن پێشكه‌ڤتى هاتییه‌ وه‌رگرتن و فه‌ره‌ پتر پووته‌ پێ بهێته‌ كرن دا كو پاشه‌رۆژا قوتابیێ مه‌ د خزمه‌تا وه‌لاتێ وى دا، وه‌ك وان وه‌لاتێن خوه‌دى سه‌ربۆر گه‌ش ببت.
هه‌لبه‌ت جیهان ئه‌ڤرۆ یا به‌ره‌ف گوهۆڕینێن مه‌زن د هه‌موو بیاڤێن ژیانێ دا دچت. كه‌رتێ په‌روه‌ردێ ژ ڤێ گوهۆڕینێ بێ به‌هرنه‌بوویه‌. وه‌ك ئه‌م دزانین سیسته‌مێ مه‌ یێ په‌روه‌ر‌دێ پتر سیسته‌مه‌ك كلاسیكییه‌ و دبیت دگه‌ل ژیوارێ ئه‌ڤرۆ نه‌گونجت. ژبه‌ر هندێ گه‌له‌كا فه‌ره‌ لێزڤڕین و پێداچوونه‌ك زانستى لڤى سیسته‌مى بهێته‌ كرن و ئه‌و گوهۆڕینێن پێدڤى لدووڤ پیڤه‌رێن نوو یێن جیهانى لسه‌ر بهێن كرن كو دووماهیێ ببن سیسته‌مه‌ك گشتى و هه‌ر وه‌زیره‌كێ بهێته‌ گوهۆڕین ده‌ست ل وى سیسته‌مێ نوو نه‌ده‌ت، هه‌كه‌ ب رازیبوونا په‌ڕله‌مانى و شاره‌زا و بسپۆران نه‌بیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *