تا كه‌ی به‌ ئاو ده‌لێین ئاڤ؟‮!‬

تا كه‌ی به‌ ئاو ده‌لێین ئاڤ؟‮!‬
حكمه‌ت زێوكی

زمانێ كوردی‮ ‬ئێكه‌ ژ چه‌ندین زمانێن ده‌ڤه‌رێ و جیهانێ،‮ ‬دیسا زمانێ كوردی‮ ‬وه‌كو گه‌له‌ك زمانێن دی‮ ‬چه‌ندین دیالێكتان ب خوه‌ڤه‌ دگریت مینا،‮ ‬به‌هدینی‮ ‬یان كرمانجی،‮ ‬سۆرانی،‮ ‬هه‌ورامی،‮ ‬لۆری‮ ‬و زازاكی‮. ‬پشتی‮ ‬پێكهاتنا هه‌رێما كوردستانێ و دانانا په‌رله‌مان و حكوومه‌تێ و سازیێن حكوومی‮ ‬زێده‌تر به‌هدینی‮ ‬و سۆرانی‮ ‬ژ ڤان دیالێكتان هاتینه‌ پێش‮. ‬و چونكی‮ ‬مه‌ زمانه‌كێ ستاندارد‮ ‬یان‮ ‬یێ فه‌رمی‮ ‬بۆ برێڤه‌برنا كاروبارێن حكوومه‌تێ نینه‌،‮ ‬گه‌له‌ك جاران گه‌نگه‌شه‌ ل سه‌ر به‌هدینی‮ ‬و سۆرانی‮ ‬دهێته‌ كرن و زێده‌باری‮ ‬دانانا ئه‌نستیتیوتا زمانێ كوردی‮ ‬و ل دارخستنا چه‌ندین كۆنفرانسێن زمانی،‮ ‬لێ هه‌ر ئه‌ڤ پرسه‌ مایه‌ بێ ئه‌نجام‮. ‬تشتێ هه‌تا نها هاتیه‌كرن ب تنێ د وارێ په‌روه‌ردێ دا بوویه‌،‮ ‬كو چه‌ند قووناغێن خواندنێ ب به‌هدینی‮ ‬دهێنه‌ خواندن‮. ‬تشتێ سرنجا من بۆ نڤیسینا ڤی‮ ‬بابه‌تی‮ ‬راكێشای،‮ ‬به‌ری‮ ‬چه‌ند هه‌یڤان هنده‌ك خواندگه‌هان ل به‌رده‌ره‌ش خوه‌نیشادانه‌ك ساز كر و قوتابیه‌كا كچ د هه‌ڤدیتنا كه‌ناله‌كێ كوردی‮ ‬دا گۆت‮ ((‬تا كه‌ی‮ ‬به‌ ئاو ده‌لێین ئاڤ؟‮!)) ‬ژ بلی‮ ‬گۆتنێن دی‮ ‬كو ئه‌م د به‌هدینی‮ ‬ناگه‌هین و دیالێكته‌كا ب زه‌حمه‌ته‌‮. ‬ره‌نگه‌ هنده‌ك بێژن به‌ری‮ ‬چه‌ند هه‌یڤان كه‌نگی‮ ‬و نها كه‌نگی‮ ‬تۆ ژ نوو دنڤیسی؟ راستی‮ ‬پێدڤیه‌ هه‌رده‌م مرۆڤ به‌رژه‌وه‌ندیا گشتیا ملله‌تێ خوه‌ به‌رچاڤ وه‌ربگریت،‮ ‬له‌ورا من هزر كر‮ ‬یا باش ئه‌وه‌ مرۆڤ خوه‌ نێزیكی‮ ‬ڤی‮ ‬بابه‌تی‮ ‬نه‌كه‌ت،‮ ‬هه‌تا ب دیتنا من‮ ‬یا كه‌ساتی‮ ‬سه‌ركردایه‌تیا كوردی‮ ‬ژی‮ ‬دخوازیت مرۆڤ خوه‌ ل ڤی‮ ‬ته‌وه‌ری‮ ‬نه‌ده‌ت،‮ ‬چونكی‮ ‬بۆ ره‌وشا كوردستانێ نه‌گونجایه‌،‮ ‬لێ ئالیێ دی‮ ‬به‌رده‌وامه‌ ل سه‌ر خوه‌نیشادانێن خوه‌ ل دژی‮ ‬دیالێكتا به‌هدینی‮ ‬كو دووماهی‮ ‬خوه‌نیشادانا وان ل كه‌له‌كێ بوو كو نها ل سه‌ر ئیدارا پارێزگه‌ها دهۆكێ ڤه‌یه‌ و داخوازیا وان ئه‌و بوو كو نه‌میننه‌ ل سه‌ر ئیدارا پارێزگه‌ها دهۆكێ داكو ب به‌هدینی‮ ‬نه‌خوینن‮. ‬باشه‌ ل ڤێرێ نه‌ ره‌وشه‌نبیرێن وان دبێژن نه‌وه‌ختێ ڤان خوه‌نیشادانایه‌ و نه‌حكوومه‌ت رێكێ لێ دگریت‮. ‬ئه‌ڤجا وه‌سا دیاره‌ كو ئه‌ڤه‌ كاره‌كه‌ هه‌كه‌ نه‌بێژم شه‌ڑه‌كه‌ دێ هه‌ر هێته‌كرن،‮ ‬هه‌كه‌ ئه‌ڤرۆ نه‌بیت سوباهیه‌ له‌ورا من ب فه‌ر دیت ڤێ گۆتارێ بنڤیسم‮.‬
هه‌كه‌ ئه‌م ته‌ماشه‌ی‮ ‬پرۆسا به‌هدینیكرنا پرۆگرامێ خواندنێ بكه‌ین،‮ ‬دێ بینین كو ل ده‌ستپێكێ ل چه‌ند قووناغێن خواندنا سه‌ره‌تایی‮ ‬ل سه‌رانسه‌ری‮ ‬هه‌رێما كوردستانێ هاته‌ په‌یڑه‌وكرن كو هنده‌ك په‌یڤێن به‌هدینی‮ ‬كرنه‌ د ناڤ پرۆگرامی‮ ‬دا و ب دیتنا من پێنگاڤه‌كا هه‌ری‮ ‬باش بوو هاتیه‌ هاڤێتن بۆ نێزیككرنا هه‌ر دو دیالێكتان و ل هه‌مان ده‌می‮ ‬گرنگ بوو بۆ خوه‌شكرنا په‌یوه‌ندیان،‮ ‬لێ پشتی‮ ‬هینگێ ب هاریكاریا پارێزگارێ دهۆكێ ته‌مه‌ر كوچه‌ر و رێڤه‌به‌رێ گشتیێ په‌روه‌ردا دهۆكێ مامۆستا واركێس ب تنێ ل ده‌ڤه‌رێن به‌هدینی‮ ‬و‮ ‬یێن سه‌ر ب پارێزگه‌ها دهۆكێ ڤه‌ هه‌تا قووناغا چارێ سه‌ره‌تایی‮ ‬به‌هدینی‮ ‬دهێته‌ خواندن،‮ ‬ل ڤێرێ دخوازم سه‌رهاتیه‌كا كورت بێژم،‮ ‬وی‮ ‬ده‌می‮ ‬ئه‌ز ل رادیۆیا نه‌وا بووم ل سلێمانیێ،‮ ‬رۆژه‌كێ براده‌ره‌كی‮ ‬ته‌له‌فۆنا پشكا كرمانجی‮ ‬كر و ل گه‌ل من ئاخفت و پرسیارا رامانا په‌یڤه‌كا به‌هدینی‮ ‬كر و ده‌مێ من به‌رسڤا وی‮ ‬دای‮ ‬گۆت‮ ((‬وه‌ی‮ ‬قور به‌سه‌رم من نازانم،‮ ‬ئه‌ی‮ ‬چوون منالی‮ ‬شه‌ش سال ده‌زانێت؟‮)) ‬من گۆتێ مامێ عه‌زیز پا تو چ دبێژی‮ ‬بۆ زارۆیێن دهۆكێ ئه‌ڤه‌ سه‌رێ ‮53‬ ساله‌ و پتر خواندنا وان هه‌می‮ ‬ب دیالێكتا سۆرانیه‌ و نها بووینه‌ نوشدار و ئه‌ندازیار و مامۆستا و‮..‬هتد‮. ‬جاره‌كا دی‮ ‬گۆت‮ ((‬ئه‌و بریار بوو و ب تنێ سۆرانی‮ ‬كوردیه‌‮!)).. ‬ل ڤێرێ دبیته‌ جهێ چه‌ند پرسیاران،‮ ‬باشه‌ وی‮ ‬ده‌می‮ ‬بریار بوو و ب تنێ سۆرانی‮ ‬كوردی‮ ‬بوو‮! ‬باشه‌ بۆچی‮ ‬ئه‌م دێ پێگیریێ ب بریارێن دوژمنێ خوه‌ دكه‌ین و بۆچی‮ ‬ئه‌م پێگیریێ ب بریارێن خوه‌ ناكه‌ین؟ ئه‌رێ هه‌كه‌ تو بێژی‮ ‬ئاڤ‮ ‬یان ئاو چ جوداهی‮ ‬هه‌یه‌؟ ئه‌رێ ماهه‌كه‌ تو خوه‌ پیچه‌كێ ماندی‮ ‬نه‌كه‌ی‮ ‬دێ چه‌وا فێر بی؟ باشه‌ كه‌نگی‮ ‬ئه‌ڤه‌ نه‌ته‌وه‌په‌رستیه‌ كو تو ب به‌هدینی‮ ‬دگه‌ل ئێكێ خه‌لكێ سلێمانیێ باخڤی‮ ‬بێژیت بكه‌ كوردی‮ ‬یان ب عه‌ره‌بی‮ ‬به‌رسڤا ته‌ بده‌ت؟‮! ‬باشه‌ بۆچی‮ ‬ئه‌م ب سۆرانی‮ ‬بخوینین و ده‌مێ بچینه‌ ده‌ڤه‌رێن وان ب سۆرانی‮ ‬باخڤین و ده‌مێ ئه‌و ژی‮ ‬بهێنه‌ ده‌ڤه‌را مه‌ هه‌ر ئه‌م ده‌ڤێ خوه‌ خار بكه‌ین و ب سۆرانی‮ ‬ل گه‌ل وان باخڤین؟ ئه‌ڤه‌ هه‌می‮ ‬مه‌ كر و ل دووماهیێ ئه‌نجام ده‌ركه‌فت‮ ((‬تا كه‌ی‮ ‬به‌ ئاو ده‌لێین ئاڤ‮)). ‬

ژ، رۆژناما ئه‌ڤرۆ هاتیه‌ وه‌رگرتن

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *