رێز ل خزمه‌تا مامۆستایه‌كێ‌ خانه‌نشینبووی هاته‌ گرتن

رێز ل خزمه‌تا مامۆستایه‌كێ‌ خانه‌نشینبووی هاته‌ گرتن

ئه‌ڤرۆ 11/11/2018 ب به‌رهه‌ڤبوونا عومه‌ر ئه‌حمه‌د قاسم رێڤه‌به‌رێ‌ په‌روه‌ردا دهۆك رۆژئاڤا و هژماره‌كا سه‌رۆك پشكێن په‌روه‌ردێ‌، رێوره‌سمه‌كێ‌ رێزگرتنێ‌ بۆ مامۆستا ئازاد عه‌بدوللا سادق مامۆستا ل پشكا چالاكیێن هونه‌ری ب هه‌لكه‌فتا خانه‌نشینبوونا هاته‌ سازكرن.
رێڤه‌به‌رێ‌ په‌روه‌ردا رۆژئاڤا ب ڤێ‌ هه‌لكه‌فتێ‌ په‌یڤه‌ك پێشكێشكر و تێدا ده‌ستخوشی ل مامۆستا ئازادی كر بۆ وێ‌ خزمه‌تا د ژیێ‌ خوه‌ دا ب ره‌نگه‌كێ‌ گشتی پێشكێشی كه‌رتێ‌ په‌روه‌ردێ‌ و ب تایبه‌تی پشكا چالاكیێن قوتابخانان كری، ژ به‌ر كو هه‌موو خزمه‌تا خوه‌ یا فه‌رمانبه‌ریێ‌ ل ڤێ‌ پشكێ‌ كریه‌ و هیڤیا ژیه‌كێ‌ درێژ و ساخی و سلامه‌تیێ‌ بۆ مامۆستای كر.
هه‌روه‌سا كه‌ڤر كه‌مال به‌رپرسێ‌ پشكا چالاكیێن قوتابخانان ل په‌روه‌ردا رۆژئاڤا ب ناڤێ‌ هه‌موو كارمه‌ندێن پشكێ‌ سوپاسیا مامۆستا ئازادی كر بۆ وێ‌ خزمه‌تا د ژیێ‌ خۆ دا پێشكێشكری و دیار كر كو ئێك ژ مامۆستایێن گه‌له‌ك باشبوو و خزمه‌ته‌كا مه‌زن پێشكێشی چالاكیێن هونه‌ری كریه‌.
د هه‌مبه‌ر دا مامۆستا ئازاد عه‌بدوللا سوپاسیا هه‌موو لایه‌كی كر و شۆز دان كو هه‌ر خۆ ب خه‌مخورێ په‌روه‌ردێ‌ بزانیت و ئه‌وا پێدڤی بیت پشتی خانه‌نشینكرنێ‌ ژی پێشكێش بكه‌ت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *