رێژه‌یا پتر ژ نه‌خوێنده‌وارن ل ده‌ڤه‌رێن كێشه‌دار و ده‌وروبه‌رێن به‌رده‌ره‌شێ و ئاكرێ هه‌نه‌

رێژه‌یا پتر ژ نه‌خوێنده‌وارن ل ده‌ڤه‌رێن كێشه‌دار و ده‌وروبه‌رێن به‌رده‌ره‌شێ و ئاكرێ هه‌نه‌

ب/ سالار محه‌مه‌د دۆسكى
ب پشته‌ڤانییا حوكمه‌تا هه‌رێما كوردستانێ ل سالا 2000 بڕیار هاتیه‌دان كو بنگه‌هێ نه‌هێلانا نه‌خوێنده‌واریێ و فێركرنا مه‌زنان دناڤا جڤاكێ كوردى دا بهێنه‌ڤه‌كرن و ب ئارمانجا كێمكرنا رێژه‌یا نه‌خوێنده‌واران، ب ئارمانجا پتر زانین ل سه‌ر ره‌وشا ئه‌ڤى كارێ پیرۆز ئه‌ڤ راپۆرته‌ مه‌ به‌رهه‌فكرییه‌.
به‌رپرسێ پشكا نه‌هێلانا نه‌خوێنده‌واریێ ئاشكه‌رادكه‌ت، ل ده‌سپێكا سالا 2000 ئه‌ڤ پێنگاڤه‌ هاتینه‌ هاڤێتن و بنگه‌هێن نه‌هێلانا نه‌خوێنده‌واریێ ژ ئالیێ رێكخراوێن یۆنسف و دیاكۆنییا و ب پشته‌ڤانییا حوكمه‌تا هه‌رێما كوردستانێ هاتینه‌ ڤه‌كرن و ل هه‌مان ده‌م تانوكه‌ ئه‌ڤان بنگه‌هان به‌رده‌وامى دایه‌ كارێ خوه‌ و به‌رده‌وام كاردكه‌ن بۆ كێمكرن و نه‌هێلانا نه‌خوێنده‌واریێ دناڤا جڤاكێ كورده‌وارى دا.
محه‌مه‌د سه‌لیم به‌رپرسێ پشكا نه‌هێلانا نه‌خوێنده‌واریێ ل په‌روه‌رده‌یا گشتى بو گۆڤارا په‌روه‌رده‌یا نوو دبێژیت: لدووڤ ستاندارێن جیهانى دڤێت ژیێ فێرخوازى كو ل  قۆناغا نه‌هێلانا نه‌خوێنده‌واریێ بخوینت، ژ ژیێ كێم تا دگه‌هیته‌ 45 سالیێ، لێ ئه‌م 45 ناكه‌ینه‌ سه‌قف تا 50 بیت بلا یێ بڤێت بخوینت بلا بۆ خوه‌ بخوینت ، فێر به‌ و تشتا بزانه‌ و دژیانێ بگه‌ه و ده‌رگه‌ه دڤه‌كرینه‌ .
محه‌مه‌د سه‌لیم ئاشكه‌راكر ژى ، ژ سالا 2000 تانوكه‌ نێزیكى 71 فێرخواز ده‌رچووینه‌ ل هه‌رسێ قۆناغان و بۆ سالا نوكه‌ 4251 فێرخواز هه‌نه‌ و به‌رده‌وامن ل سه‌ر خواندنا خوه‌ به‌رده‌وامن.
ل ئاستێ ئێكێ ئانكو پۆلێن ئێكێ و دووێ بنه‌ڕه‌ت 64 بنگه‌ه هه‌نه‌ و ل ئاستێ دووێ ئانكو پۆلێن سیێ و چارێ 42 قوتابخانه‌ هه‌نه‌ ، ئاستێ سیێ ئانكو پۆلێن پێنجێ وشه‌شێ 45 قوتابخانه‌ هه‌نه‌ ل سه‌رانسه‌رى پارێزگه‌ها دهۆكێ كو ژ نه‌ه ده‌ڤه‌ردارى پێك دهێت و دگه‌ل ده‌ڤه‌را زومار كو سه‌ر ب په‌روه‌رده‌یا گشتى ڤه‌یه‌.
نافهاتى گۆتژى: شنگار و زومار و تلكپێ ژ ئه‌وان ده‌ڤه‌رانه‌ كو رێژه‌یا نه‌خوێنده‌وراى گه‌له‌ك زێده‌یه‌، چونكه‌ دژمنێن ملله‌تێ كورد ب درێژاهییا دیرۆكێ ڤیایه‌ ، ملله‌تێ كورد بمینت نه‌زان و چ پووته‌ پێ نه‌دا و ئه‌ڤ ده‌ڤه‌ره‌ ژ ئه‌وان جهانه‌ ئه‌وێن حوكمه‌تا به‌عس پشتگوهڤه‌ هاڤێتى و چ بۆ نه‌كرى و رێژه‌یا نه‌خوێنده‌واران گه‌له‌كا زێده‌ و تایبه‌ت ده‌ڤه‌را تلكپێ ئه‌م نه‌شێن چ ڤه‌كه‌ین ژبه‌ر نه‌بوونا قوتابخانه‌یان هه‌موو قوتابخانه‌ سێ ده‌وامینه‌ و تا ب شه‌ڤ ده‌وامه‌ به‌رده‌وامه‌ وئه‌م نه‌شیێن قوتابخانه‌یان لێ ڤه‌كه‌ین،    هه‌ر دیسان ده‌ڤه‌ردارییا به‌رده‌ره‌ش و ده‌وروبه‌رێن ده‌ڤه‌رداریێن شێخانێ و ئاكرێ رێژه‌یا نه‌خوێنده‌واریێ گه‌له‌كا زێده‌یه‌ و بنگه‌ه بۆ دهاتنه‌ ڤه‌كرن ل تا دووماهییا سالێ ژ 40 فێرخوازان دبیت ب تنێ 4 مابانه‌ و هه‌موویان دهێلا، لێ هه‌ر ده‌رگه‌ه مه‌ نه‌دگرتن و مه‌ رێك د دائه‌ڤێ رێژه‌یا كێم بۆ خوه‌ بخوینن و مه‌ هاریكارى بۆ دكر دا به‌رده‌وام بن و مه‌ قوتابخانه‌ نه‌دگرتن تا خوێندن بدووماهی دهینا .
سه‌باره‌ت ناڤكرنا خواندنێ ناڤبرى گۆت: راسته‌ دبێژنه‌ ئه‌ڤێ خواندنێ خواندنا نه‌یاسا ئانكو نه‌یا رێكخستى یه‌، لێ ئه‌م مفایه‌كێ مه‌زن دگه‌هیینه‌ خه‌لكێ خوه‌ و ملله‌تێ خوه‌ و خه‌لكێ دهێت دبێژیت بۆ مه‌ قوتابخانه‌یێ ڤه‌كه‌ن و مه‌دڤێت ئه‌م بخوینین، چ جهه‌كێ ژ مه‌داخوازكرى ب رێكا په‌روه‌رده‌یێن خوه‌یێن ده‌ڤه‌ردارییان خواندنگه‌ه بۆ بهێنه‌ڤه‌كرن، ئه‌م نه‌بووینه‌ رێگر و ب ره‌زه‌مه‌ندییا وه‌زاره‌تێ و ره‌زه‌مه‌ندییا دارایى قوتابخانه‌ و بنگه‌هێن نه‌خوێنده‌واریێ بو هاتینه‌ ڤه‌كرن و پاره‌ بو دهێته‌ ته‌رخانكرن و هه‌ر ده‌ڤه‌ردارییه‌كێ مه‌ نوونه‌ره‌ك هه‌یه‌ و ب كاروئه‌ركێن وان ده‌ڤه‌ردارییان رادبیت .
ژئالییه‌كێ دیڤه‌ شێرزاد محه‌مه‌د پیرمووس به‌رپرسێ رێكخراوا ئه‌لند بۆ دیمۆكراسیكرنا گه‌نجان گۆت: هه‌ردو رێكخراوێن ئه‌لند  و هاریكار ل دهۆك ب هه‌فكارى دگه‌ل یۆنسكو ول بن چاڤدێرییا رێڤه‌به‌رى یا په‌روه‌رده‌یا دهۆك دێ خوله‌كا 10 هه‌یڤى ڤه‌كه‌ن، بۆ نه‌هێلانا نه‌خێونده‌واریێ بۆ 400 فێرخوازان و ژ هه‌ردو ره‌گه‌زان و ئه‌ڤ كاره‌ دهێته‌كرن دناڤا سه‌نته‌رێ باژێڕى و ده‌وروبه‌رێن پارێزگه‌ها دهۆك دا و ئه‌ڤ پڕۆژه‌یه‌ دێ 10 مه‌هان ڤه‌كێشیت، ل هه‌یڤا ئێكێ خوه‌ ئاماده‌كرنه‌ و ل مه‌هێن دووێ وسیێ تا نه‌هێ دێ فێرى خوێندنێ بن و ئه‌ف فێرخوازه‌ دهێنه‌ فێركرن ل بن سیسته‌مێ وه‌زاره‌تا په‌روه‌رده‌یێ ل حوكمه‌تا هه‌رێما كوردستانێ و ئه‌و دێ سه‌رپه‌رشتیاربیت دئه‌ڤێ كریارێ دا
پیرموسى گۆتژى: ئارمانجا پڕۆژه‌یى ئه‌وه‌ فێرخواز فێرى خواندن و نڤێسینێ بیت و هه‌ڤده‌م فێرى كاره‌كى ژى بیت وانه‌یێن پراكتیكى دهێنه‌ گۆتن و ده‌م بۆ هاتینه‌ ده‌نیشانكرن دناڤا پڕۆژه‌یى دا
شێرزاد زێده‌تر  گۆت: پشتى راگه‌هاندنا پرۆپاكندا پڕۆژه‌یى ده‌رگه‌ه دێَ هێنه‌ڤه‌كرن بۆ هه‌ر كه‌سه‌كێ نه‌خوێنده‌وار و حه‌زا خواندنێ هه‌بیت دشێت بێته‌ دنافا پڕۆژه‌یى دا و دهێته‌ چاڤه‌رێكرن ل 15/ 12/ ده‌ست ب پڕۆژه‌یى بهێته‌كرن .
و گۆتژى: رێكخراوا یۆنسكو دێ هاریكار بیت  ژبۆ ئه‌نجامدانا ڤى پڕۆژه‌یى و25 رێكخراو ل سه‌رانسه‌رى ئیراقێ دێ هاریكاربن دگه‌ل دا و هه‌ردو رێكخراوێن ئه‌لند و هاریكار ولبن چاڤدێرییا په‌روه‌رده‌یێ دێ رابن ب ئه‌نجامده‌نا پڕۆژه‌یى ل پارێزگه‌ها دهۆكێ .

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *