رێڤه‌به‌رێ‌ گشتی یێ‌ په‌روه‌ردێ‌ به‌حسێ‌ رۆلێ‌ گرنگێ‌ رێڤه‌به‌رێن قوتابخانان دكه‌ت

رێڤه‌به‌رێ‌ گشتی یێ‌ په‌روه‌ردێ‌ به‌حسێ‌ رۆلێ‌ گرنگێ‌ رێڤه‌به‌رێن قوتابخانان دكه‌ت

عومه‌ر عه‌لی تاها رێڤه‌به‌رێ‌ گشتی یێ‌ په‌روه‌ردا پارێزگه‌ها دهۆكێ‌ و فه‌خری كه‌له‌ش رێڤه‌به‌رێ سه‌رپه‌رشتیاری ل دهۆكێ‌، ئه‌ڤرۆ 30/1/2019 پشكداری د كۆمبوونا رێڤه‌به‌رێن قوتابخانان ل سنوورێ‌ په‌روه‌ردا دهۆك رۆژئاڤا دا كرن.
رێڤه‌به‌رێ‌ گشتی یێ‌ په‌روه‌ردا پارێزگه‌ها دهۆكێ‌ د په‌یڤه‌كێ‌ دا ب به‌رهه‌ڤبوونا عومه‌ر ئه‌حمه‌د قاسم رێڤه‌به‌رێ‌ په‌روه‌ردا دهۆك رۆژئاڤا و ئوسمان سلێمان سه‌رپه‌رشتیارێ‌ ئێكێ‌ یێ‌ په‌روه‌رده‌یی، ئاماژه‌ ب رۆلێ‌ گرنگێ‌ رێڤه‌به‌رێن قوتابخانان كر و ده‌ستخۆشی ژی ل وان كر كو سه‌ره‌رای هه‌ر ئاسته‌نگه‌كێ‌ كارێ‌ خۆ ب رێكوپێكی ئه‌نجامدایه‌ و ب زانابوون و هشیاری و ل دووڤ رێنمایان سه‌ره‌ده‌ری ل گه‌ل هه‌ر روودان و پێشهاته‌كێ‌ كریه‌ و داخواز ژ وان كر هه‌ر ل سه‌ر ڤێ‌ روحیه‌تێ‌ دبه‌رده‌وام بن.
ژ لایێ‌ خۆ ڤه‌ عومه‌ر ئه‌حمه‌د قاسم رێڤه‌به‌رێ‌ په‌روه‌ردا دهۆك رۆژئاڤا ژی ب كورتی بۆ رێڤه‌به‌رێن به‌رهه‌ڤبووی، به‌حسێ‌ دووماهی پێشهاتێن وارێ‌ په‌روه‌ردێ‌ كر.
هه‌روه‌سا فه‌خری كه‌له‌ش چه‌ندین خال و تێبینی بۆ رێڤه‌به‌رێن قوتابخانێن سنووری په‌روه‌ردا دهۆك رۆژئاڤا رۆهنكرن و راگه‌هاند، كو ل په‌روه‌ردا رۆژئاڤا رێڤه‌به‌رێن قوتابخانان ب رۆلێ‌ سه‌رپه‌رشتیاران رادبن و سه‌رپه‌رشتیار ژی وه‌ك هه‌ڤالێن ره‌خنه‌گر هاریكاریا رێڤه‌به‌رێن قوتابخانان دكه‌ن داكو ب هه‌ڤكاری پێكڤه‌ پرۆسا په‌روه‌ردێ‌ برێڤه‌ ببه‌ن و خزمه‌تا قوتابیێن خۆشتڤی بكه‌ن.
ل دووماهیا كۆمبوونێ‌ ده‌رگه‌هێ‌ دانوستاندنێ‌ هاته‌ ڤه‌كرن و هژماره‌كا رێڤه‌به‌رێن قوتابخانان دیتن و بۆچوونێن خۆ ل دۆر پرۆسا په‌روه‌ردێ‌ بۆ پتر خزمه‌تكرنێ‌ دیار كرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *