سالا بهێت باخچه‌ و پۆلا ئێكێ‌ بنه‌ره‌ت دێ‌ ب زمانێ‌ ئینگلیزی خوينن

سالا بهێت باخچه‌ و پۆلا ئێكێ‌ بنه‌ره‌ت دێ‌ ب زمانێ‌ ئینگلیزی خوينن

وه‌زاره‌تا په‌روه‌ردێ‌ یا حوكمه‌تا هه‌رێما كوردستانێ‌ بڕیاردایه‌ كو سالا بهێت یا خواندنێ‌ 2015 – 2016 ل هه‌موو باغچه‌ و پۆلا ئێكێ‌ بنه‌ره‌تی ل هه‌رێما كوردستانێ‌ خواندن ب زمانێ‌ ئینگلیزی بیت.
عه‌بد یوسف، رێڤه‌به‌رێ‌ گشتیێ‌ په‌روه‌ردا دهۆكێ‌ بۆ مالپه‌رێ‌ فه‌رمیێ‌ رێڤه‌به‌ریا گشتیا په‌روه‌ردا دهۆكێ‌ دیار كر، هه‌موو باغچێن زارۆیان و پۆلا ئێكێ‌ بنه‌ره‌ت ل  42 قوتابخانێن بنه‌ره‌ت ل پارێزگه‌ها دهۆكێ‌ بابه‌تێن (بیركاری – زانست) ب زمانێ‌ ئینگلیزی خوونن و گۆت: “ل دهۆكێ‌ نێزیكی پێنج هزار قوتابیان دێ‌ ژ ب سیسته‌مكرنا خواندنێ‌ ب زمانێ‌ ئینگلیزی مفادار بن”.
ئاشكرا ژی كر، بۆ سالا خواندنێ‌ 2016 – 2017 بڕیار ئه‌وه‌ ل هه‌موو قوتابخانێن هه‌رێما كوردستانێ‌ سیسته‌مێ‌ خواندنێ‌ ب زمانێ‌ ئینگلیزی لێ‌ بهێته‌ په‌یره‌وكرن.
رێڤه‌به‌رێ‌ گشتیێ‌ په‌روه‌ردا دهۆكێ‌ ئاماژه‌ ب وێ‌ چه‌ندێ‌ ژی كر، پشتی وه‌زاره‌تا په‌روه‌ردا حوكمه‌تا هه‌رێمێ‌ ڤه‌كۆلین كرین، بڕیار دا سیسته‌مێ‌ خواندنێ‌ ب زمانێ‌ ئینگلیزی ل هه‌رێمێ‌ بهێته‌ ب جهئینان و گۆت: “هه‌موو پێدڤیێن ب جهئینانا ڤی سیسته‌می، هه‌ر ژ ڤه‌كرنا خۆلان بۆ مامۆستایان و به‌رهه‌ڤكرنا په‌یره‌و و پرۆگرامێ‌ خواندنێ‌ كو نبَزیكی 60 رۆژان مامۆستا بۆ ڤێ‌ مه‌ره‌مێ‌ دێ‌ هێنه‌ مه‌شق دان”.
داخواز ژی كر هه‌موو شیان بۆ سه‌رئێخستنا ڤی سیسته‌می بهێنه‌ مه‌زاختن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *