شاشیێن په‌روه‌رده‌یی‮ ‬چنه‌؟

شاشیێن په‌روه‌رده‌یی‮ ‬چنه‌؟
جیهان كۆره‌ماركی

بێگومان زارۆیێن ئه‌ڤرۆنه‌ دێ بنه‌ گه‌نجێن پاشه‌رۆژێ و ل ناڤ هه‌موو ملله‌ت و جڤاكان گه‌نج پاشه‌رۆژا ملله‌ت و وه‌لاتێن خوه‌نه‌،‮ ‬له‌ورا پێدڤیه‌ دایوباب‮ ‬یان سه‌میانێن زارۆیان ب ئاوایه‌كێ جوان زارۆیێن خوه‌ په‌روه‌رده‌ بكه‌ن،‮ ‬چونكو وه‌كو دبێژن زارۆ مینا لاپه‌رێن سپینه‌‮ ‬یان مینا هه‌ڤیرینه‌،‮ ‬ئه‌ڤجا مرۆڤ چاوا بخوازیت دێ وی‮ ‬لاپه‌رێ سپی‮ ‬نه‌خشینیت و وی‮ ‬هه‌ڤیری‮ ‬هه‌ڤیر كه‌ت،‮ ‬له‌ورا پێدڤیه‌ دایوباب و سه‌میان ل شاشیێن په‌روه‌رده‌كرنا زارۆیان دهشیار بن‮.‬
دخوازم به‌حسێ هنده‌ك دیاردێن شاش بكه‌م كو دایوباب د ژیانا رۆژانه‌ دا ل هه‌مبه‌ری‮ ‬زارۆیێن خوه‌ دكه‌ن،‮ ‬مینا ده‌مێ مرۆڤ ژ حه‌زێن وان بێ بار دكه‌ت‮ ‬یان سڤكاتیێ پێ دكه‌ت‮ ‬یان ده‌مێ پرسیاره‌كێ بكه‌ن مرۆڤ پاشڤه‌ دبه‌ت،‮ ‬كو ئه‌ڤه‌ ژی‮ ‬دبیته‌ ئاسته‌نگ د گه‌شه‌كرنا وان‮ ‬یا ده‌روونی‮ ‬و جڤاكی‮ ‬دا،‮ ‬ئه‌ڤێ ئێكێ ژی‮ ‬ئاریشێن ره‌وشتی‮ ‬و حاله‌تێن تڕسێ و ئالۆزیێ و هه‌ستكرنێ ب كێماسیێ و بێزاریێ و دژایه‌تیێ ژێ په‌یدا دبن‮. ‬كو هنده‌ك بسپورێن ده‌روونی‮ ‬ڤێ ئێكێ تێكه‌ست دكه‌ن،‮ ‬له‌ورا پێدڤیه‌ مرۆڤ ئاخفتنا خۆش ل گه‌ل زارۆی‮ ‬ب كار بینیت‮.‬
ل هه‌مان ده‌می‮ ‬دایكوباب هنده‌ك ره‌فتارێن باشێن زارۆیان ژ بیر دكه‌ن،‮ ‬بۆ نموونه‌ كچ دێ رابیت ژوورا خوه‌ رێك ئێخیت دایك دێ بێژیتێ ته‌ بۆچی‮ ‬ئامان نه‌شووشتن ل شوونا ژوورا خوه‌ رێك بێخی؟ هه‌روه‌سا هنده‌ك دایكان ئاگه‌هـ ژ زارۆیێن خوه‌ نینه‌ و ره‌فتارێن وان‮ ‬یێن پشتگوهخستین،‮ ‬بۆ نموونه‌ زارۆ دێ برایێ خوه‌‮ ‬یێ بچوویك ئێشینیت‮.‬
‮ ‬دایكوباب‮ ‬ڕك و‮ ‬ڕك دێ به‌رێ خوه‌ ده‌نێ و سزایه‌كێ سڤك بیت ب كارنا ئینن،‮ ‬ئه‌ڤجا پێدڤیه‌ مرۆڤ ناسناڤێن كرێت ل گه‌ل زارۆیێن خوه‌ بكارنه‌ئینیت،‮ ‬به‌لكو به‌رۆڤاژی‮ ‬دروسته‌،‮ ‬ئانكو پێدڤیه‌ مرۆڤ بێژیتێ تو زارۆیه‌كێ گوهداری‮ ‬و جوان شیره‌تان لی‮ ‬بكه‌ت،‮ ‬دیسان نابیت مرۆڤ جوداهیێ بێخیه‌ د ناڤبه‌را وان دا،‮ ‬چونكو‮ ‬ب‮ ‬ڤێ چه‌ندێ مرۆڤ كه‌ربێ د ناخێ زارۆیی‮ ‬دا دچینیت،‮ ‬هه‌روه‌سا دڤێت دایكوباب د راستگۆ بن ل گه‌ل ئێك پاش بێژنه‌ زارۆیێن خوه‌ دره‌وا نه‌كه‌ن،‮ ‬بۆ نموونه‌ باب جگاران بكێشیت و بێژیته‌ كورێ خوه‌ نه‌كێشه‌،‮ ‬گه‌له‌ك خێزان هزر دكه‌ن كو په‌یداكرنا خوارنێ و دیاریان و جلكان بێ كو دلۆڤانیێ بده‌نه‌ زارۆیێن خوه‌ دێ زارۆ دباش بن و ل قوتابخانێ دزیره‌ك بن،‮ ‬هه‌تا كو شاره‌زایێن ده‌روونی‮ ‬د ڤی‮ ‬واری‮ ‬دا شیره‌تان ل دایك و بابان دكه‌ن كو دبێهن فره‌هبن و هه‌ڤسه‌نگیێ د سه‌ره‌ده‌رییا خوه‌ دا بكه‌ن ل گه‌ل گرنگیدانێ ب شیره‌تێن ئایینی‮ ‬ل ده‌ف زارۆیی‮. ‬
جاران هنده‌ك ئاخفتن دهێنه‌ گوهێت مه‌ كو مامۆستا نزانیت سه‌ره‌ده‌ریێ ل گه‌ل قوتابیان بكه‌ت و دڤێت خزمه‌تا وی‮ ‬ببیته‌‮ ‬10سال و خوه‌ خانه‌نشین بكه‌ت،‮ ‬ل سه‌ر چ گرۆڤه‌ ئه‌ڤ ئاخفتنه‌ دهێنه‌ گۆتن ل سه‌ر زیره‌كیا قوتابی‮ ‬یان بێ رێزیا وی‮ ‬بۆ مامۆستای،‮ ‬هینگێ مامۆستا دێ زانیت سه‌ره‌ده‌ریێ ل گه‌ل قوتابی‮ ‬كه‌ت ده‌مێ خێزانا قوتابی‮ ‬یا هاریكار و هه‌ڤكار بیت،‮ ‬نه‌ هه‌ما خه‌ما دایكێ ئه‌و بیت زارۆیێن وێ ژ وێ ڤه‌بوون و چوونه‌ قوتابخانێ و ل سه‌ر حالێ خوه‌را ژی‮ ‬بێژیته‌ كورێ خوه‌ هه‌ما مامۆستای‮ ‬تشته‌كی‮ ‬بێژیته‌ ته‌ به‌س تو وه‌ره‌ بێژه‌ من دێ وی‮ ‬كه‌مه‌ سینه‌ما،‮ ‬شاشیێن په‌روه‌رده‌یی‮ ‬چنه‌؟‮! ‬
مه‌ره‌م پێ ب تنێ ژینگه‌ها قوتابی‮ ‬نینه‌ ئه‌وا تێدا دژیت،‮ ‬به‌لكو ئه‌ركێ رێڤه‌به‌ریا په‌روه‌ردێ ژی‮ ‬یه‌،‮ ‬گه‌له‌كا فه‌ره‌ هه‌ر چه‌ند قوتابخانه‌كان ڤه‌كۆله‌ره‌كێ ده‌روونی‮ ‬هه‌بیت و به‌رده‌وام قوتابیان ببینیت و هه‌كه‌ نه‌چار بۆ سه‌ره‌دانا مالێن قوتابیان ژی‮ ‬بكه‌ت بۆ باشتركرنا ره‌وشا وی‮ ‬و وه‌كو رێ نیشانده‌ره‌كی‮ ‬بیت بۆ خێزانێ ب رێكێن په‌روه‌رده‌كرنا دروست‮.‬
‮ ‬هه‌ر چه‌نده‌ مامۆستایێن په‌روه‌ردا تایبه‌ت ل هنده‌ك قوتابخانان هه‌نه‌،‮ ‬به‌لێ ل زۆربه‌یا وان نینن و ئاستێ قوتابی‮ ‬ژی‮ ‬هه‌ر دمینیت لاواز و پاشه‌رۆژا وی‮ ‬قوتابی‮ ‬و گونه‌ها وی‮ ‬هینگێ دستۆیێ په‌روه‌ردێ دایه‌،‮ ‬به‌ری‮ ‬رێڤه‌به‌ریا په‌روه‌ردێ وان قوتابخانان خه‌لات بكه‌ت ئه‌وێن قوتابیێن وان پلێن باش ئیناین بلا مامۆستایێن په‌روه‌ردا تایبه‌ت ل هه‌موو قوتابخانان دابین بكه‌ت‮.‬

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *