قوتابخانه‌ و مال ژ كه‌ڤندا هه‌ڤپشكن

قوتابخانه‌ و مال ژ كه‌ڤندا هه‌ڤپشكن

عومه‌ر ئه‌حمه‌د قاسم*

هه‌كه‌ ئه‌م بهێین و به‌رپه‌رێن دیرۆكا خۆ یا كه‌ڤن و شرین ڤه‌ده‌ین و ڤى بابه‌تێ دلڤه‌كه‌ر لێ بخونین، دێ بۆ مه‌ ئاشكرابیت كو هه‌ڤپشكیا د ناڤبه‌را قوتابخانێ و مال دا، هه‌ڤپشكى یه‌كا كه‌ڤنه‌ و چه‌ند چه‌رخێن ب سه‌ردا ده‌رباز بووین .و هه‌تا ئه‌ڤرۆ یا به‌رده‌وامه‌ و هه‌ردوو لا پێكڤه‌ كار و خه‌باتێ ژ بو سه‌ركه‌فتن و سه‌رفه‌رازیا خونده‌ڤانێ هێژا دكه‌ن.
ده‌مێ نڤیسینا (مسمارى)هاتیه‌ ئاشكراكرن و بكارئینان و ل وى ده‌مى مامۆستایێ قوتابخانه‌كا سومه‌رى تابلویه‌كا ئاخێ به‌رى سێ هزار سالان ل سه‌ر هه‌ڤپشكیا د ناڤبه‌را قوتابخانێ و مال نڤیسى بوو. نوكه‌ ژى ئه‌ڤ تابلویه‌ یا كه‌فتیه‌ به‌ر ده‌ستێن شاره‌زایێن شینواران و زانایێن زمانێ سومه‌رى یا بۆ چه‌ند زمانێن بیانى وه‌ك (ئینگلیزى، ئه‌لمانى وهتد …) وه‌رگێراى، ناڤه‌رۆكا ڤێ تابلویێ ئه‌وه‌ كو دانه‌ر چه‌ند پرسیارا ژ قوتابى دكه‌ت و قوتابى ژى به‌رسڤا وان پرسیاران دده‌ت، پرسیار ژى ئه‌ڤه‌نه‌( دانه‌ر: ده‌مێ تو زارۆ كیڤه‌ دچووى؟ قوتابى: ئه‌ز دچوومه‌ قوتابخانێ. دانه‌ر: ته‌ ل قوتابخانێ چ دكر؟ قوتابى: ده‌مێ ئه‌ز د چووم من ل قوتابخانێ تابلویێ خۆ دئینا ده‌رێ و ئه‌ركێ خۆ بۆ مامۆستای دخواند و دزڤڕیمه‌ مال و من ئه‌ركێ خۆ بۆ بابێ خۆ دخواند، و من داخواز ژ بابێ خۆ كر كو مامۆستای مێهڤان ل مال  بكه‌ت، بابێ من داخوازا من بجه ئینا و پشتى مه‌ نان پێكڤه‌ خوارى، من ئه‌ركێن خۆ بۆ وان خواندن و گه‌له‌ك پێ كه‌یفخۆش بوون و مامۆستایێ من داخوازا سه‌ركه‌فتن و پێشكه‌فتنێ بۆ من كر).
ئه‌ڤه‌ بوو هه‌ڤپشكیا د ناڤبه‌را قوتابخانێ و مال دا، و پێدڤى یه‌ ئه‌ڤرۆكه‌ ژى ئه‌م په‌روه‌رده‌كار سه‌میانێن قوتابیان بكه‌ینه‌ هه‌ڤپشك بۆ قوتابخانێ دا بشێین ئه‌نجامێن باشتر بده‌ست خۆ ڤه‌ بینین و ئاستێ زانستى ژى بلند بكه‌ین.

*رێڤه‌به‌رێ په‌روه‌ردا دهۆك رۆژئاڤا

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *