كه‌رتێ په‌روه‌ردێ كارتێكرنه‌كا ئێكسه‌ر یا ل سه‌ر هه‌ر كه‌سه‌كى د جڤاكى دا هه‌ی

كه‌رتێ په‌روه‌ردێ كارتێكرنه‌كا ئێكسه‌ر یا ل سه‌ر هه‌ر كه‌سه‌كى د جڤاكى دا هه‌ی
عومه‌ر ئه‌حمه‌د قاسم*

كه‌رتێ په‌روه‌ردێ كه‌رته‌كێ گه‌له‌ك گرنگه‌ و به‌رفره‌هه یه‌‌ و كارتێكرنه‌كا ئێكسه‌ر لسه‌ر هزر و ره‌وشت و ره‌فتارێن هه‌ر كه‌سه‌كى د جڤاكى دا هه‌یه‌. راسته‌ حوكمه‌تا هه‌رێما كوردستانێ گه‌له‌ك گرنگى دایه‌ كه‌رتێ په‌روه‌رده‌یێ و سالانه‌ هه‌ژمارا زۆرا ئاڤاهیێن قوتابخانه‌یان ئاڤا دكه‌ت و ب هزاران مامۆستایان دامه‌زرینت و پرۆگرامێن خواندنێ لدووڤ سیسته‌مێ هه‌ڤچه‌رخ پێشدئێخت، لێ هێشتا كێموكاسى و ئاریشه‌ ماینه‌.
رێڤه‌به‌رییا په‌روه‌ردا رۆژئاڤا قه‌زا دهۆك، وه‌ك رێڤه‌به‌رییه‌ك ژ رێڤه‌به‌رییا په‌روه‌ردا گشتى یا دهۆك، لدووڤ شیانان ته‌خسیر دكارێ خوه‌ دا نه‌كریه‌. پشتى پتر ژ ساله‌كێ، گوهۆڕین ل سه‌ر ئاستێ هه‌رێمێ هاتینه‌ كرن، رێڤه‌به‌رییا مه‌ ژى پارچه‌ك ژ گشتى یێ ڤان گوهۆڕینان بوویه‌. لدووڤ پلانا رێكخستنا مه‌ بۆ كارێن په‌روه‌ردێ، ل سالا خواندنێ (2013-2014) ئه‌م شیاینه‌ د ڤى ماوه‌یى دا، ب هاریكارییا لایه‌نێن به‌رپرس ڤان خالان ئه‌نجام بده‌ین:
1-گوهۆڕینا سه‌رۆك پشكێن په‌روه‌رده‌یا خوه‌ و نووژه‌نكرنا هه‌یكه‌لێ سه‌ره‌كى و زێده‌كرن و لێكدانا هنده‌ك پشكێن دى دبه‌رژه‌وه‌ندییا پێشئێخستنا پرۆسه‌یا خواندنێ دا.
2-ڤه‌كرن و لێكدانا هه‌ژماره‌كا قوتابخانان ل سنۆرێ په‌روه‌ردا مه‌ كو پتر دبه‌رژه‌وه‌ندیا قوتابیێ مه‌ یێ خۆشتى ڤى دانه‌.
3-دابه‌شكرنا گه‌له‌ك كه‌لوپه‌لێن پێدڤى لسه‌ر قوتابخانه‌یان كو نوكه‌ كێماسى گه‌له‌ك كێمبووینه‌.
4-ئاڤاكرن و نووژه‌نكرنا گه‌له‌ك قوتابخانه‌یان كو بووینه‌ ئه‌گه‌رێ كێمبوونا دو ده‌وامیێ و نه‌مانا سێ ده‌وامیێ.
5-ئه‌لكترۆنیكرنا رێڤه‌به‌ریا په‌روه‌ردا مه‌ و چێكرنا ئێمێلان دگه‌ل دۆسییان.
6-دانانا ستۆدیۆیه‌كا شارستانى، ده‌نگوره‌نگ بۆ نه‌هێلانا وانه‌یێن تایبه‌ت و تۆماركرنا ڤان وانه‌یان ب رێكا مامۆستایێن پسپۆر ل سه‌ر سیسته‌مى دى ڤى و پێشكه‌ڤتى.
7-نووژه‌نكرنا هۆلا چالاكیێن رێڤه‌به‌رییا مه‌ لدووڤ دیزاینه‌ك هه‌ڤچه‌رخ و پێشكه‌ڤتى.
9-رێكخستنا گۆگه‌هێن په‌روه‌ردێ و پاراستنا هه‌موو كه‌لوپه‌لێن دگه‌هنه‌ مه‌.
10-رێكخستنا سه‌رمووچه‌ و بلندكرنا سالانه‌ و دانا جودایا (فرۆقاتان) د وه‌ختێ خوه‌دا.
11-گرنگیدانه‌ك زێده‌تر ب ساخكرنا هه‌لكه‌ڤت و بیره‌وه‌ریێن نه‌ته‌وه‌یى.
راسته‌ ئه‌م ئه‌ڤان خالان هه‌موویان ب ئه‌ركێ خوه‌ دزانین و چو مننه‌تان ل كه‌سێ ناكه‌ین، لێ باشته‌ره‌ هه‌ر كاره‌ك مرۆڤ ئه‌نجام ده‌ت بهێت به‌رچاڤ كرن، وه‌ك ره‌خنه‌ ل كێموكاسییان و گێرۆبوونا ئه‌نجامدانا چالاكییان دهێته‌ كرن. ئه‌وا مایى مه‌ نه‌ گۆتى، ئه‌م سۆزێ ده‌ینه‌ خه‌لكێ خوه‌ كو ئه‌م به‌رده‌وامبین لسه‌ر ئه‌ركێ خوه‌ یێ پیرۆز و ئه‌وا دشیاندانه‌ د خزمه‌تا قوتابى و مامۆستایێن خوه‌ یێن خوه‌شتڤى دا بكه‌ین، پێخه‌مه‌ت ئاڤاكرنا كوردستانێ و پێشئێخستنا پرۆسه‌یا په‌روه‌ردێ.

*رێڤه‌به‌رێ په‌روه‌ردا رۆژئاڤا

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *