چو گوهورين ل سه‌ر ژڤانێ ئه‌زموونان ناهێنه‌ كرن

چو گوهورين ل سه‌ر ژڤانێ ئه‌زموونان ناهێنه‌ كرن

جڤاتا په‌روه‌ردێ ل پارێزگه‌ها دهوكێ كومبونه‌كا ئاسايى ل كوچكا رێڤه‌به‌ريا گشتى يا په‌روه‌ردا پارێزگه‌ها دهوكێ ل روژا سێ شه‌مبى رێكه‌فتى 12/4/2016 ب ئاماده‌بونا به‌رێز عبد يوسف احمد رێڤه‌به‌رێ گشتى يێ په‌روه‌ردێ گرێدا .
دكومبونێ دا ب ئاماده‌بونا هه‌ردوو هاريكارێن رێڤه‌به‌رێ گشتى وهه‌مى رێڤه‌به‌رێن په‌روه‌ردێن قه‌زايێن سه‌ر ب رێڤه‌به‌ريا گشتى ڤه‌ ورێڤه‌به‌رێن رێڤه‌به‌ريێن سه‌ر ب كوچكا رێڤه‌به‌ريا گشتى ڤه‌ به‌حسێ ره‌وشا نوكه‌ يا په‌روه‌ردێ ل كوردستانێ ب گشتى ول پارێزگه‌ها دهوكێ ب تايبه‌تى كر .
هه‌ر وه‌سا دكومبونێ دا به‌حسێ وێ بريارا جڤاتا وه‌زێرێن حكومه‌تا هه‌رێما كوردستانێ كر سه‌باره‌ت ته‌رشيق كرنا هه‌يكه‌لێ هه‌مى دام وده‌زگه‌هێن حكومه‌تێ ووه‌زاره‌تا په‌روه‌ردێ ژى ل به‌ره‌ گهورينێن مه‌زن دهه‌يكه‌لێ وه‌زاره‌تێ ئه‌نجام بده‌ن .
هه‌ر دكومبونێ دا به‌حسێ رێنمايێن نوى سه‌باره‌ت ئه‌زموونان هاته‌ كر وهاته‌ ته‌ئيكد كرن كو چێ گهورين لسه‌ر ژڤانێ ئه‌نجام دانا ئه‌زموونان لهه‌مى قوناغان ناهێنه‌ كرن وهه‌مى ئه‌زموون دێ ل وه‌ختێ خو يي ده‌ست نيشان كرى هێنه‌ ئه‌نجام دان وبو ئه‌ڤ ساله‌ سالا خواندنێ 2015/2016 پێرابونێن توند ورێنمايێن تايبه‌ت سه‌باره‌ت ئه‌زموونێن قوناغا 12ئاماده‌يى هاتينه‌ ده‌رئێخستن ژلايێ وه‌زاره‌تا په‌روه‌ردێ ڤه‌ ، هه‌روه‌سا بريار هايته‌ دان كو ئه‌زموون ل ده‌م ژمێر ( 08:30 ) سپێدێ بهێنه‌ كرن .
هه‌ر دكومبونێ دا به‌حسێ بريارا وه‌زاره‌تا په‌روه‌ردێ سه‌باره‌ت بنگه‌هێن ئه‌زموونان وزيره‌ڤانيا ئه‌زموونان وبريار هاته‌ دان كو هه‌مى ميلاكێ قوتابخانێ دێ ئاماده‌باشيێ دا بيت وهه‌مى ماموستا دي هێنه‌ راسپاردن بكارێ زيره‌ڤانيێ رابن هه‌ر ئێك بو روژه‌كێ بتنێ .
ديسان دكومبونێ دا به‌حسێ بريارا جڤاتا وه‌زيرێن هه‌رێما كوردستانێ كر سه‌باره‌ت ب كارئينانا ترومبيلێن حكومى كر ورێنمايێن تايبه‌ت سه‌باره‌ت ڤي چه‌ندێ ده‌ركه‌فتينه‌ .
ل دوماهيێ چه‌ندين پێشنيار هاتنه‌ دان وبريار هاته‌ دان كو كومبونا بهێت يا جڤاتا په‌روه‌ردێ ل روژا دووشه‌مبى رێكه‌فتى 26/4/2016 بهێته‌ كرن .
http://www.perwerdagduhok.net/

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *